Latest

9 снежня у Менску прайшло ўручэнне штогадовай прэміі у галіне правоў чалавека. Прэмія заснаваная зарэгістраванай у Літве арганізацыяй “Праваабарончы альянс”. Двое з трох лаўрэатаў сёлетняй прэміі – выпускнікі адукацыйнага праекта сеткі Дамоў правоў чалавека.

15 снежня сеткай Дамоў правоў чалавека быў прыняты зварот да Генеральнага пракурора Рэспублікі Беларусь Рыгора Васілевіча і Міністра ўнутраных спраў Рэспублікі Беларусь Анатоля Куляшова. Тэма зварота непасрэдна звязаная з выкраданнем моладзевых актывістаў у Беларусі цягам апошняга месяца.

Сябры Сеткі Дамоў правоў чалавека занепакоеныя паведамленнямі аб ажыццяўленні выкраданняў маладзёвых актывістаў, якія адбываліся ў Беларусі апошнім часам. Выкраданні з’яўляюцца новым інструментам запалохвання актывістаў, якія арганізавана і адкрыта становяцца ў апазіцыю да цяперашніх беларускіх уладаў. Ціск на іх – гэта парушэнне свабоды слова, права на свабоду сходаў і аб’яднанняў.

15 снежня у віленскім Доме правоў чалавека адбылася прэзентацыя фільма “Памежжа” (“Borderland”). Фільм быў створаны з дапамогай тэлеканала “Белсат”. Ідэя стужкі належыць прадстаўнікам арганізацыі JuBIC (Аб’яднаны цэнтр беларускіх ініцыятыў).

Прызначэнне Алега Праляскоўскага міністрам інфармацыі светлых перспектыў свабоды слова не абяцае. Каментуе старшыня Асацыяцыі журналістаў Беларусі Жанна Літвіна і аналітык Аляксандр Класкоўскі.

Дакументальны нарыс, створаны JuBIC’ам сумесна з журналістамі тэлеканала “Белсат”, адлюстроўвае праблему “візавай заслоны”, што аддзяляе Беларусь і беларусаў ад аб’яднанай вольнай Еўропы.

Беларускія праваабаронцы падрыхтавалі альтэрнатыўны універсальны даклад па сітуацыі ў Беларусі, які перадалі ў Раду правоў чалавека ААН. З гэтай нагоды адбылася сустрэча ў Прадстаўніцтве ААН у Беларусі.

Праваабаронцы заклапочаныя праблемай існавання ў Беларусі смяротнага пакарання. На іх думку, пытанне аб забароне смяротнага пакарання патрабуе найхутчэйшага вырашэння, бо не адпавядае прынцыпу гуманнасці і парушае права чалавека на жыццё. Увагу на праблему нарэшце звярнулі і дзяржаўныя ўлады.

Фундацыя Дамоў правоў чалавека разам з удзельнікамі Сеткі Дамоў правоў чалавека з Азербайджана, Беларусі і Расеі, а таксама з партнёрамі з Грузіі распачалі новы праект – “Дыстанцыйнае навучанне адвакатаў правам чалавека”.