Latest

У беларускім Доме правоў чалавека з 19 па 21 лютага прайшоў усталёвачны семінар у межах адукацыйнай праграмы “Дыстанцыйнае навучанне адвакатаў правам чалавека” . 26 удзельнікаў з Беларусі цягам трох дзён, акрамя асноўнага занятку – навучання ў галіне правоў чалавека, – знаёміліся адзін з адным, а таксама асвойвалі прынцыпы дыстанцыйнага навучання, якім ім давядзецца карыстацца бліжэйшы год.

4 марта 2010 года в Доме прав человека пройдет презентация доклада о текущей ситуации с правами человека в Беларуси. Доклад подготовлен белорусскими правозащитниками для процедуры универсального периодического обзора Беларуси в рамках Совета ООН по правам человека.

Група прадстаўнікоў праваабарончых арганізацый Беларусі 19 лютага накіравала шэрагу кіраўнікоў сілавых структур лісты з заклікам да перамоваў з праваабаронцамі. Тэмай для абмеркавання павінны стаць свабода сходаў і забеспячэнне правапарадку пры іх правядзенні, у тым ліку перашкоды дзейнасці СМІ пры ажыццяўленні імі сваіх прафесійных абавязкаў на вулічных акцыях.

16 і 17 лютага для незалежных беларускіх журналістаў адзначыліся як дні гвалту і ціску. Адразу дзве прадстаўніцы апазіцыйных СМІ былі падвержаныя жорсткай і неправамернай дзейнасці з боку беларускіх уладаў: 16 лютага на тры гадзіны была затрыманая Юлія Дарашкевіч, фотакарэспандэнт газеты “Наша Ніва”, а наступным днём журналістка “Народнай волі” Марына Коктыш зазнала ператрус на працоўным месцы.

14 лютага пры правядзенні традыцыйнай акцыі, прысвечанай да дня закаханых, у Мінску было затрымана ад 20 да 30 чалавек, а сама акцыя – жорстка разагнаная. Такім чынам, актывістам моладзевай арганізацыі “Малады фронт” давялося святкаваць Дзень святога Валянціна ў аддзяленнях міліцыі.

Свабода аб’яднанняў – толькі на паперы. Нягледзячы на абяцанні ўладаў, артыкул 193.1 КК Беларусі па-ранейшаму прадугледжвае пазбаўленне волі да двух гадоў за дзейнасць ад імя незарэгістраванай арганізацыі. Але і сяброўства ў зарэгістраванай НГА таксама пагражае непрыемнасцямі, кшталту звальнення з працы, як для сяброў Саюза беларускіх пісьменнікаў.

1 лютага Аляксандр Лукашэнка падпісаў указ, які ўводзіць цэнзуру ў Інтэрнэце. Закон пачне дзейнічаць з 1 ліпеня. Міжнародная праваабарончая арганізацыя “Рэпарцёры без межаў” заявіла, што пасля прыняцця такога закону, беларускія ўлады трапляюць у спіс так званых “ворагаў Інтэрнэту”, становяцца ў адзін шэраг з Кітаем, Паўночнай Карэяй, Бірмай.

29 студзеня пачаліся судовыя разбіральніцтвы па справе Івана Міхайлава, які па рэлігійных прычынах адмовіўся несці службу ў беларускім войску. Шэрагам еўрапейскіх грамадскіх і праваабарончых арганізацыяў быў падпісаны адкрыты ліст да Прэзідэнта Беларусі Аляксандра Лукашэнкі ў падтрымку Івана Міхайлава і іншых, якія пераследуюцца за адмову ісці ў войска і браць у рукі зброю з-за рэлігійных перакананняў.

17 студзеня адбыўся першы тур выбараў прэзідэнта Украіны. 13-20 студзеня ў рамках праекту “Назіранне за выбарамі: тэорыя і практыка” прадстаўнікі студэнцтва і грамадзянскай супольнасці Беларусі, а таксама Літвы, Швецыі і Нарвегіі – звыш 50 чалавек – наведалі Адэскую, Данецкую, Кіеўскую і Львоўскую вобласці, каб на ўласныя вочы “подивитися” на кампанію па выбарах кіраўніка суседняй дзяржавы.