Latest

Улады забаранілі пікет, які планавалася правесці на вуліцы Гурскага каля дзяржпрадпрыемства “Фаўна гораду” – пункту адлову і часовага ўтрымання бяздомных жывёл. Арганізатары мелі на мэце звярнуць увагу грамадскасці на праблемы бяздомных жывёл і антыгуманнага стаўлення да іх. У рэалізацыі права на мірныя сходы абаронцам бяздомных жывёл Менгарвыканкам адмаўляе ўжо другі раз.

Вярхоўны суд пакінуў скаргу заснавальнікаў партыі “Беларуская хрысціянская дэмакратыя” на рашэнне Міністэрства юстыцыі аб адмове ў рэгістрацыі без здавальнення. Прадстаўнікі аргкамітэту БХД даводзілі суду пра палітычную матываванасць рашэння Мін’юсту. Аднак Вярхоўны суд палічыў адмову ў рэгістрацыі БХД законнай.

Касацыйныя скаргі пяці актывістаў Аб’яднаных дэмакратычных сіл Гомельскай вобласці: Пятра Кузняцова, Уладзіміра Кацоры, Юрася Захаранкі, Анатоля Паплаўнага і Васіля Палякова, пададзеныя ў Гомельскі абласны суд у сувязі з пакараннем за ўдзел у праведзенай 7 мая гэтага года акцыі памяці гвалтоўна зніклага былога міністра ўнутраных спраў генерала Юрыя Захаранкі, былі адхіленыя 22 ліпеня.

16 ліпеня на пасяджэнні Пастаяннай рады АБСЕ Еўрапейскім Звязам (ЕЗ) была зробленая заява па сітуацыі ў Беларусі. ЕЗ асудзіў рэжым у Беларусі адносна невыканання такіх фундаментальных свабодаў, як свабода слова і свабода асацыяцыяў.

У маі-чэрвені гэтага года адбыліся два семінары другога этапу праграмы для беларускіх адвакатаў і праваабаронцаў “Міжнароднае права ў праваабарончай дзейнасці”. Арганізатары і ўдзельнікі мерапрыемстваў займаліся вырашэннем пытанняў па паляпшэнні праваабарончай дзейнасці і абмяркоўвалі магчымыя шляхі выкарыстання міжнародна-прававых механізмаў абароны правоў чалавека ў нацыянальнай практыцы.

У мінулыя дні ў Беларусі зафіксаваны цэлы шэраг захадаў, якія абагульнена можна назваць парушэннем свабоды слова, гарантаванай разнастайнымі міжнароднымі пагадненнямі і Канстытуцыяй Рэспублікі Беларусь. Сярод іх – папярэджанні, звязаныя з ажыццяўленнем “незаконнай” журналісцкай дзейнасці, а таксама адмова ў прадастаўленні інфармацыі недзяржаўным СМІ па ідэалагічных прычынах.

Суддзя Віцебскага абласнога суду прызнала яго вінаватым у «распальванні рэлігійнай і нацыянальнай варожасці».

13 ліпеня сябры міжнароднай Сеткі Дамоў правоў чалавека звярнуліся да беларускіх уладаў з заклікам неадкладна вызваліць моладзевага актывіста Арцёма Дубскага.

7 ліпеня 2009 года актывіст “Маладога фронту” Арцём Дубскі быў прыгавораны судом Асіповіцкага раёна да 1 году пазбаўлення волі ў выпраўленчай калоніі агульнага рэжыму. Ён быў узяты пад варту адразу пасля абвяшчэння прысуду. У сувязі з гэтай падзеяй беларускія праваабаронцы ў чарговы раз выказалі занепакоенасць тым, што за ўдзел у мірных акцыях у Беларусі людзі трапляюць у турму.