Latest

18-20 верасня ў Доме правоў чалавека (Вільня) прайшла сустрэча беларускіх праваабаронцаў, першых выпускнікоў адукацыйнай міжнароднай праграмы “Фактычнае выкананне міжнародных абавязанняў Рэспублікі Беларусь у галіне грамадзянскіх правоў і свабод”. Прапануем вашай увазе ўражанні ад сустрэчы, выкладзеныя адным з удзельнікаў.

З 28 верасня па 9 кастрычніка ў Варшаве праходзіць канферэнцыя АБСЕ па чалавечым вымярэнні. У тым ліку ўвага надаецца і праблемам, звязаным з Беларуссю, у прыватнасці – тэме катаванняў. Шматабяцальную заяву зрабілі прадстаўнікі афіцыйнага Менску – пра намер скасаваць крымінальную адказнасць за дзейнасць ад імя незарэгістраванай арганізацыі.

Група арганізацыяў па свабодзе прэсы, 20–24 верасня наведаўшы Беларусь, заклікала ўлады краіны прывесці нацыянальную медыясферу ў адпаведнасць з міжнароднымі стандартамі. Удзельнікаў дэлегацыі, сярод якіх і прадстаўнік Лонданскага Дома правоў чалавека Роан Джаясекера, прымала “жалезная лэдзі” Наталля Пяткевіч.

Асамблея дэмакратычных НДА Беларусі агучыла свае папярэднія ацэнкі дзеяньняў беларускіх уладаў па нармалізацыі становішча няўрадавых арганізацыяў у сьвятле заканчэньня чарговага пэрыяду прыпыненьня санкцыяў з боку Эўрапейскага Зьвязу.

Улады Беларусі ўскосна прызналі, што прыцягваць чалавека да крымінальнай адказнасці за дзейнасць ад імя незарэгістраванай арганізацыі – ненармальна. Надзею падаў адказ Міністэрства юстыцыі на зварот арганізацыі “Грамадзянская Беларусь” (Чэхія) аб скасаванні адыёзнага артыкулу. Аднак пазней высветлілася, што чыноўнік Мін’юсту падпісаў адказ, нават не чытаючы яго тэксту.

У Берасці адбыўся ўстаноўчы сход праваабарончага грамадскага аб’яднання “Берасцейская вясна”. Ён быў патрэбен для чарговай спробы зарэгістраваць аб’яднанне.

Адбылася яшчэ адна місія ў рамах праекту “Назіранне за выбарамі: тэорыя і практыка”. Гэтым разам – у Нарвегіі, дзе 14 верасня выбіралі парламент, а студэнты ЕГУ і іншых ВНУ Літвы, прадстаўнікі беларускіх і шведскіх грамадскіх арганізацыяў былі акрэдытаваныя ў якасці міжнародных назіральнікаў. Пасля досведу назірання ва Ўсходняй Еўропе, нарвежскія выбары здаліся ўдзельнікам “амаль дасканалымі”. Але ёсць што папраўляць і там.

16 верасня ў Менску адбылася акцыя ў памяць зніклых 10 гадоў таму палітыка Віктара Ганчара і бізнесмэна Анатоля Красоўскага, якая завершылася разгонам, затрыманнямі ўдзельнікаў і блакаваннем працы журналістаў прадстаўнікамі праваахоўных органаў. Па меркаванню сябраў ГА “Беларуская асацыяцыя журналістаў”, гэтая падзея – яшчэ адно сведчанне невыканання свабоды слова ў Беларусі.

Акцыя “Не – расейскай акупацыі”, што прайшла 9 верасня на
Кастрычніцкай плошчы ў Менску, скончылася разгонам і затрыманнямі,
падчас якіх супрацоўнікі міліцыі жорстка абыходзіліся з удзельнікамі
мерапрыемства, збівалі іх, а журналістам забаранялі праводзіць здымкі.
Гэта чарговае сведчанне наяўнасці грубых парушэнняў беларускімі
ўладамі свабодаў мірных сходаў і слова, што з’яўляюцца неад’емнымі
правамі чалавека.