Прэзентацыя даклада «Крым: разбіваючы сцяну маўчання»

20 лютага (серада) у 10 гадзін у Беларускім Доме правоў чалавека ім. Б.Звозскава (Вільнюс, Латака, 3) адбудзецца прэзентацыя даклада міжнароднай місіі Дамоў правоў чалавека, якая наведала Крым.

20 лютага 2019 года спаўняецца пяць гадоў ад пачатку ўзброенай агрэсіі Расійскай Федэрацыі ва Украіне. Менавіта 20 лютага 2014 года, у дзень самага вялікага кровапраліцця на Еўрамайдане ў Кіеве, расійскія войскі пачалі акупацыю Крыма. На паўвостраве з’явіліся грузавікі без нумароў і ўзброеныя вайскоўцы РФ без апазнавальных знакаў.

За пяць гадоў акупацыі Крым ператварыўся ў «шэрую зону» – тэрыторыю, да якой не могуць атрымаць доступ міжнародныя арганізацыі з мандатам па абароне правоў чалавека (ААН, АБСЕ, Савет Еўропы). Генеральная Асамблея ААН прыняла некалькі рэзалюцый з заклікам да належнага і бесперашкоднага доступу на акупаваны паўвостраў, але з году ў год «сцяна» вакол Крыма становіцца ўсё вышэй.

У сувязі з вострай неабходнасцю міжнароднай прысутнасці ў Крыме ў верасні 2018 года місія з прадстаўнікоў трох Дамоў правоў чалавека – Азербайджана, Беларусі і Украіны – наведала акупаваны паўвостраў і змагла сабраць інфармацыю пра сітуацыю з правамі чалавека ад саміх крымчан. У фокусе ўвагі місіі былі праблемы свабоды выказвання меркавання, свабоды сходаў і асацыяцый, а таксама становішча праваабаронцаў. У ходзе прэзентацыі будзе прадстаўлена справаздача місіі і абмеркавана сітуацыя з правамі чалавека ў Крыме.

Удзельнікі:
Таццяна Пячончык, кіраўнік Цэнтра інфармацыі аб правах чалавека (Украіна)
Кірыл Якімаў, член місіі ў Крыме, прадстаўнік Адукацыйнага Дома правоў чалавека (Чарнігаў, Украіна);
Алег Мацкевіч, член місіі ў Крыме, прадстаўнік Беларускага Дома правоў чалавека імя Б.Звозскава;
Мэцью Джоунс (Matthew Jones), супрацоўнік па міжнароднай адвакацыі Фонда Дамоў правоў чалавека (Швейцарыя, Жэнева)

Мадэратар – Таццяна Равяка, член місіі ў Крыме, прадстаўнік Беларускага Дома правоў чалавека імя Б.Звозскава;

Да ўдзелу ў прэзентацыі запрашаюцца прадстаўнікі СМІ, няўрадавых арганізацый, дыпламатычных прадстаўніцтваў і міжнародных арганізацый.

Мовы сустрэчы: руская, з сінхронным перакладам на англійскую.

Пацвердзіць свой удзел і атрымаць дадатковую інфармацыю можа па адрасе: events.belarus@humanrightshouse.

***

Місія ў Крым была арганізавана Цэнтрам інфармацыі аб правах чалавека Украіны пры падтрымцы Фонда Дамоў правоў чалавека (Осла, Нарвегія) і арганізацыі «Чалавек у нядолі» (Прага, Чэшская Рэспубліка). Прэзентацыі дакладу па выніках візіту адбыліся ў Кіеве, Берліне, Тбілісі, Жэневе, Страсбургу.

Latest

July 15, 2021

CSP: International community should immediately and strongly react to a new massive wave of repression against civil society in Belarus

We, the undersigned organisations, members of the Civic Solidarity Platform, with increasing pain and anger have witnessed the assault over the past year by the de facto Belarusian authorities on democratically-minded persons, independent media, civil society organisations and professionals that defend human rights, such as lawyers.

July 15, 2021

International standards and mechanisms must protect all lawyers regardless of Bar membership

On 8 July 2021, Human Rights House Foundation joined six other civil society organisations in an exchange of views with the Council of Europe’s (CoE’s) Committee of Ministers’ group of rapporteurs on legal co-operation on the protection and promotion of the work of lawyers.

July 14, 2021

Belarusian authorities must immediately end crackdown on civil society

Human Rights House Foundation (HRHF) strongly condemns today’s actions by the Belarusian authorities against independent civil society and human rights defenders.