Latest

Учора споўнілася 15 гадоў з дня заснавання Беларускага Хельсінкскага Камітэта — адзінай афіцыйна зарэгістраванай у краіне праваабарончай арганізацыі рэспубліканскага ўзроўню. Хоць у краіне і застаюцца сур’ёзныя парушэнні ў сферы правоў чалавека, але шмат чаго арганізацыі дасягнуць удалося. Аб гэтым красамоўна кажуць некаторыя факты.

Беларускі Дом правоў чалавека далучыўся да заявы, у якой заклікаў Радослава Сікорскага і Гіда Вэстэрвэле падчас візіту ў Беларусь падтрымаць каштоўнасці дэмакратыі і правоў чалавека. Заяву напярэдадні прыезду двух міністраў замежных спраў у Мінск падтрымалі арганізацыі розных еўрапейскіх краін.

Збор подпісаў за кандыдатаў на пасаду прэзідэнта ідзе ў краіне амаль месяц. Паводле заканадаўства, кожны з кандыдатаў павінен сабраць не менш за 100000 подпісаў. Першым, хто зрабіў гэта, стаў дзейны прэзідэнт краіны А. Лукашэнка. Зрабіць гэта дапамагла антызаконная эксплуатацыя паднявольных дзяржслужбоўцаў, настаўнікаў ды ўрачоў.

Перадвыбарная гістэрыя беларускіх уладаў становіцца ўсё больш і больш відавочнай, бо пачалася чарговая хваля ціску на беларускія незалежныя СМІ. Незалежныя выданні зноў трапляюць у суды, ім выносяцца грашовыя штрафы і папярэджанні. Так днямі здарылася з незалежнай газетай “Витебский курьер”. З іншага ж боку, дзяржаўныя СМІ спрабуюць стаць больш уплывовымі, павялічваюцца наклады газет і перыядычных выданняў. Зноў “двайныя стандарты”?

10 кастрычніка, у міжнародны дзень супраць смяротнага пакарання, па ўсёй Беларусі праходзілі пікеты і акцыі. Акцыі ў падтрымку прайшлі і ў суседніх дзяржавах. Правабаронцы Беларусі – апошняй краіны Еўропы, дзе смяротная кара – усё яшчэ рэальнасць, на справе паказалі, што змагацца з варварскімі мерамі пакарання можна рознымі шляхамі.

25 верасня беларуская праваабарончая супольнасць сабралася з амбіцыяй імкнуцца да большага ўзроўню прафесіяналізму і салідарнасці. Падчас дыскусіяў у камфортных умовах віленскага гатэля, удзельнікі другога Форуму часцяком прыгадвалі форум першы, што праходзіў у 2004 годзе ў лесе пад Мінскам ва ўмовах, блізкіх да экстрэмальных.

На трэці дзень штогадовай канферэнцыі, што ладзіцца ў Беларускім ДПЧ у Вільні ўдзельнікаў чакала спецыяльная канферэнцыя, прысвечаная сітуацыі з правамі чалавека ў Беларусі і краінах Балтыі. Больш за 20 выступоўцаў, а таксама шырокая аўдыторыя мерапрыемства сталі вырашальнымі: прысутныя атрымалі шмат інфармацыі, выходзячай за межы “агульнай”.

На другі дзень штогадовага пасяджэння Сеткі ДПЧ, размешчанага сёлета на базе Беларускага Дома правоў чалавека ў выгнанні ў Вільні, дэлегаты з усіх рэгіёнаў Еўропы зрабілі свае прыярытэты зразумелымі: “Мы хочам больш цеснага супрацоўніцтва і падтрымкі ў ходзе выбарчай кампаніі і выбараў”, – заявілі яны.

Сусветная прэм’ера новага дакументальнага фільма вядомага нарвежскага рэжысёра Эрлінга Боргена і выстава здымкаў фатографа незалежнай беларускай газеты “Наша Ніва” Юліі Дарашкевіч адкрыла праграму першага дня штогадовага пасяджэння Сеткі Дамоў правоў чалавека ў Вільні.