Latest

21 чэрвеня ў Жэневе ў межах 32-й чарговай сесіі Савета па правах чалавека ААН адбыўся інтэрактыўны дыялог са Спецыяльным дакладчыкам па пытанні аб становішчы ў галіне правоў чалавека ў Беларусі Міклашам Харасці.

Эдуард Пальчыс, меркаваны стваральнік і аўтар рэсурсу 1863x.com,вядомы пад псэўданімам Jhon Silver, быў экстрадаваны ў Беларусь з Расіі 1 чэрвеня. Гэты сайт публікаваў аналітычныя агляды пра грамадска-палітычную сітуацыю ў Беларусі і Украіне, аднак доўгі час яго аўтар дзейнічаў інкогніта.

Напярэдадні галасавання за працяг дзеяння мандата Спецдакладчыка па правах чалавека праваабаронцы праводзяць шырокую інфармацыйную кампанію для таго, каб мандат захаваўся і грамадзяне розных краін заклікалі сваіх прадстаўнікоў галасаваць “за”. У той жа час прыкладам таго, як уплываюць на сітуацыю ў краіне міжнародныя механізмы ўздзеяння і іх адмена, можа служыць аналіз ад праваабарончай арганізацыі “Libereco — Партнёрства па правах чалавека”, што адлюстроўвае змены ў сітуацыі з правамі чалавека пасля адмены санкцый ЕС.

Беларускі дом правоў чалавека ім. Б. Звозскава абвяшчае конкурс міні-праектаў для правядзення стратэгічнага планавання беларускімі праваабарончымі арганізацыямі і ініцыятывамі.

Асноўнай мэтай конкурсу з’яўляецца ўзмацненне праваабарончых арганізацый, развіццё і ўкараненне стратэгічнага планавання ў іх дзейнасць для прасоўвання каштоўнасцяў правоў чалавека і абароны ахвяр парушэнняў правоў чалавека, узмацнення ўстойлівага развіцця ва ўмовах існуючых абмежаванняў свабоды сходаў і асацыяцый у Беларусі.

27 мая – дзень нараджэння Хадзіджы Ісмаілавай, вядомай азербайджанскай журналісткі. Нечакана вызваленая напярэдадні свайго дня народзінаў, сваё 40-годдзе Хадзіджа сустрэла 27 мая на волі. Для таго, каб падтрымаць яе, была ініцыяваная міжнародная акцыя “40 пратэстаў да 40-годдзя Хадзіджы”. Беларускі дом правоў чалавека ім. Б. Звозскава далучыўся да кампаніі і разам з усімі заклікаў улады Азербайджана неадкладна вызваліць усіх палітычных зняволеных.

Напярэдадні чарговага раунда Дыялога па правах чалавека беларускія праваабарончыя арганізацыі распрацавалі і заявілі супольную пазіцыю адносна выканання правоў чалавека ў Рэспубліцы Беларусь.

У 2012 годзе малады беларускі фатограф больш за месяц правёў у СІЗА КДБ Беларусі па абвінавачанні ў тым, што нібыта дапамагаў арганізатарам «плюшавага дэсанту», нелегальна трапіць у краіну. «Плюшавы дэсант» – акцыя пратэсту супраць парушэнняў свабоды слова ў Беларусі, калі грамадзяне Швецыі скінулі з самалёта мноства цацачных «плюшавых мішак» з прымацаванымі да іх надпісамі .

У апошнюю пятніцу месяца раварысты многіх краін ладзяць масавы заезд «Крытычная маса». Такім чынам яны хочуць звярнуць на сябе ўвагу гарадскіх уладаў і змусіць зрабіць горад зручнейшым для велатранспарту. Такі ж заезд прайшоў у Мінску 29 красавіка і скончыўся затрыманнямі і вобшукамі.

25 красавіка праваабаронца Леанід Судаленка (на фота) звярнуўся з індывідуальнай скаргай у Камітэт ААН па правах чалавека па справе супраць Ашмянскай мытні, якая год таму правяла асабісты дагляд і канфіскавала ноўтбук ды іншыя друкаваныя носьбіты інфармацыі. Унутры краіны праваабаронца выкарыстаў усе магчымыя сродкі прававой абароны, уключаючы Вярхоўўны Суд і Генеральнага пракурора.