Поўная версія дакладу па-ангельску і па-расейску – у раздзеле "Дакументы" (гл. справа).
"Наш даклад змяшчае ў сабе некаторую аб’ектыўную крытыку дзяржавы, і мэтай яго было ўсебакова паказаць наяўныя праблемы, як неаб’ектыўнае расследаванне выпадкаў катаванняў або неналежныя ўмовы ўтрымання ў пенітэнцыярных установах Беларусі.
Аднак мы гатовыя сумесна з пракуратурай, МУС і іншымі дзяржаўнымі органамі канструктыўна падыходзіць да вырашэння гэтых праблем як на заканадаўчым, так і на правапрымяняльным узроўні", – паведаміў праваабаронца Сяргей Усцінаў.
Улады супрацоўнічаюць неахвотна
На погляд аўтараў дакладу, важна завязваць супрацоўніцтва з прадстаўнікамі ўладаў, нягледзячы на тое, што беларускія ўлады неахвотна ідуць на ўзаемадзеянне з грамадскімі арганізацыямі.
Шмат якім арганізацыям увогуле адмоўлена ў рэгістрацыі, яны вымушаныя рэгістравацца за мяжой, таму іх супраца з уладамі практычна немагчымая.
"Аднак у Беларусі існуе такі механізм, як платформа АБСЕ – арганізацыі, у якую ўваходзіць урад Беларусі. На наш погляд, праз гэтую платформу можна наладжваць камунікацыю з уладамі, працаваць над папраўкамі ў заканадаўства. У гэтым нашым дакладзе ёсць шэраг рэкамендацый на гэты конт," – зазначыў С.Усцінаў.
Афіцыйны даклад: у Беларусі ўсё о’кей
Расейскамоўная версія дакладу была падрыхтаваная на пачатку лістапада.
"Безумоўна, да часу разгляду справаздачы ў камітэце шмат што можа змяніцца, могуць дадацца цікавыя факты – добра, што ў нас ёсць магчымасць пры з’яўленні такіх фактаў дадаваць іх у даклад. Цяпер у Беларусі вось-вось адбудуцца выбары – хто ведае, якія новыя факты катаванняў могуць здарыцца пасля выбараў і, напрыклад, масавых пратэстаў апазіцыі і простых выбаршчыкаў", – кажа С. Усцінаў.
Афіцыйны даклад беларускай дзяржавы таксама ўжо падрыхтаваны. Ужо ў чацверты раз беларуская ўлада афіцыйна прадставіць справаздачу на разгляд ААН.
"Традыцыйна беларускі ўрад нават блізка не прызнае наяўнасць у Беларусі катаванняў, як і іншых парушэнняў правоў чалавека, – зазначае праваабаронца. – Аднак у гэты раз упершыню падчас перыядычнага разгляду будзе заслуханы і альтэрнатыўны даклад – акурат прэзентаваны беларускімі праваабаронцамі. У нас меркаванне інакшае".
Documents:
- Доклад по пыткам в Беларусі
Доклад белорусских неправительственных организаций и правозащитников по соблюдению Республикой Беларусь Конвенции против пыток и других жестоких, бесчеловечных или унижающих достоинство видов обращения и наказания - Report on torture
Report of Belarusian non-governmental organizations and human rights defenders on implementation by the Republic of Belarus
of the Convention Against Torture and Other Cruel, Inhuman or Degrading Treatment or Punishment
Па тэме:
