When: Tuesday, 13. October 2015 12:00-13:30
To: Tuesday, 13. October 2015
Where: Вільнюс, Беларускі ДПЧ імя Б.Звозскава
Contact: (belarus@humanrightshouse.org / +370 5 212 7703)

6 кастрычніка пачалося датэрміновае галасаванне, і ўжо на працягу першых двух дзён незалежныя назіральнікі адзначаюць масавыя выпадкі прымусу да датэрміновага галасавання студэнтаў і работнікаў дзяржаўных прадпрыемстваў, а таксама завышэнне прадстаўнікамі ўчастковых камісій яўкі выбаршчыкаў. Падчас прэс-канферэнцыі прадстаўнікі кампаній “Праваабаронцы за свабодныя выбары”, “Права выбару” і Electby раскажуць пра гэтыя і іншыя вынікі назірання за прэзідэнцкімі выбарамі ў Беларусі, прааналізуюць палітычныя наступствы выбараў і адкажуць на пытанні.

Мова прэс-канферэнцыі: беларуская і руская з перакладам на англійскую.

Онлайн-трансляцыя прэс-канферэнцыі па-англійску будзе даступная па адрасе: http://www.ustream.tv/channel/hrhbelarus

Па дадатковую інфармацыю звяртацца па адрасе: belarus@humanrightshouse.org  альбо па тэлефоне: +370 5 212 7703.

 Больш падрабязна аб ініцыятывах, якія прымуць удзел у прэс-канферэнцыі:

Праваабаронцы за свабодныя выбары (http://elections2015.spring96.org ) – кампанія па назіранні за выбарамі, якая праводзіцца праваабарончым цэнтрам “Вясна” і «Беларускім Хельсінкскім Камітэтам». Мэтай кампаніі з’яўляецца ацэнка выбарчага працэсу з пункту гледжання беларускага выбарчага заканадаўства і міжнародных стандартаў свабодных і дэмакратычных выбараў, інфармаванне беларускай грамадскасці і міжнароднай супольнасці аб ходзе выбарчай кампаніі і выніках маніторынгу.

Права выбару-2015 (http://pvby.org ) – кампанія па назіранні за выбарамі, у якую ўваходзяць восем арганізацый: Беларуская сацыял-дэмакратычная партыя (Грамада), Беларуская хрысціянская дэмакратыя, “Гавары праўду!”, “Рух” За свабоду “, Партыя БНФ, Беларуская партыя “Зялёныя”, незалежны прафсаюз радыёэлектроннай прамысловасці, аргкамітэт Партыі Свабоды і прагрэсу. Галоўнай мэтай кампаніі з’яўляецца абарона сапраўднага волевыяўлення грамадзян праз прадухіленне парушэнняў заканадаўства на ўсіх стадыях выбарчай кампаніі, фіксацыю парушэнняў і аператыўнае рэагаванне на іх.

Electby.org (http://www.electby.org ) – адкрытая пляцоўка, асноўная функцыя якой – збор паведамленняў пра выбарчую кампанію ад грамадзян і іх аўтаматычная візуалізацыя на мапе Беларусі.

Калі ласка, пацвердзіце свой удзел да 6 кастрычніка ўключна па электронным адрасе: belarus@humanrightshouse.org