When: Monday, 16. March 2009 18:30-20:30
To: Monday, 16. March 2009
Where: Вільня, Latako g. 3
Host: Беларускі Дом правоў чалавека
Contact: Ганна Герасімава (belarus@humanrightshouse.org / +370 5 212 77 03)
З чаго пачынаецца свабода? На чарговай акцыі пратэсту, сутычцы з тымі, хто ахоўвае дыктатара – ці ва ўласным доме, уласнай сям’і, уласным сэрцы? Якія яны насамрэч, сённяшнія героі Беларусі? Каму даводзіцца цяжэй: загартаванаму ў турмах палітвязню ці яго маці? І дзе бяруць яны сілы – у той час, калі вакол, здавалася бы, ужо ўсе даўно апусцілі рукі? І ці могуць краты зняволіць свабоднага духам чалавека?
Новы фільм Вольгі Мікалайчык “Вызваленне” – яшчэ адна спроба асэнсаваць гэткае простае і адначасова складанае, зусім блізкае і неверагодна далёкае, дасяжнае і няўлоўнае. Нараджэнне Свабоды. Вызваленне.
Пачатак – а 18.30.
Адрас: Latako,3, Вільня.
Мова стужкі: беларуская (з ангельскімі субтытрамі)
Працяг: 90 хвілін
Уваход: свабодны
