Паважаны Алесь,
На наступным тыдні сябры і партнёры Сеткі Дамоў Правоў Чалавека, якая прадстаўляе 100 арганізацый па правах чалавека, сустрэнуцца ў Заграбе ў Харватыі.
На ўсіх нашых мерапрыемствах будзе адно незанятае месца. Гэта Ваша месца, Алесь, і мы захаваем яго бачным, каб паказаць, дзе Вы па праву павінны быць сёння – і як напамін, што Вы знаходзіцеся ў турме з-за працяглай, самаадданай працы па адстойванні правоў чалавека і законнай працы з правамі чалавека. Пакуль Вы не вернецеся і зноў асабіста не далучыцеся да сустрэчы Сеткі Дамоў Правоў Чалавека – свабоднае месца будзе з’яўляецца сімвалам пагаршэння сітуацыі з правамі чалавека ў Беларусі.
Вы натхняеце многіх з нас. Нягледзячы на пагаршэнне сітуацыі з правамі чалавека ў Беларусі, у Вас заўсёды ёсць моцная салідарнасць і падтрымка праваабаронцаў у іншых краінах. Мы глыбока сумуем па Вас, і мы будзем працягваць працаваць у тым самым духу з Вашымі выдатнымі калегамі ў Беларусі. Мы спадзяемся, што Вы атрымаеце фатаграфіі і паштоўкі, дасланыя Вам з усяго свету з прывітаннямі і ў знак нашай любові і глыбокай павагі да Вас.
Мы віншуем Вас і святкуем Ваш 50-гадовы юбілей з цвёрдым і адзіным патрабаваннем: неадкладнага і безумоўнага вызвалення Алеся Бяляцкага і 12 палітвязняў у Беларусі!
Мы дасылаем Вам усе самыя найлепшыя пажаданні і віншаванне з днём нараджэння ад калег Сеткі Дамоў Правоў Чалавека ў Азербайджане, Арменіі, Грузіі, Нарвегіі, Вялікабрытаніі, Польшчы, Украіне, Расіі, Сербіі, Харватыі, Босніі і Герцагавіне, Угандзе і Швейцарыі.
Артыкулы па тэме
Зварот з нагоды затрымання актывістаў маладзёвага праекту “Назіранне за выбарамі: тэорыя і практыка”
У новым беларускім парламенце не будзе ніводнага прадстаўніка апазіцыі
Бяляцкі: ціск уладаў Беларусі і падтрымка міжнароднай супольнасці
Прысуд Бяляцкаму пакінуты без зменаў: 4, 5 гады турэмнага зняволення
