Беларускі ДПЧ арганізаваў лекцыю па правах чалавека для беларускіх школьнікаў у Вільні

17 красавіка прадстаўнікі Беларускага дома правоў чалавека правялі лекцыю пра правы чалавека для віленскіх школьнікаў. Праз інтэрактыўныя практыкаванні арганізатары пазнаёмілі гімназістаў з асноўнымі правамі і свабодамі.

Лекцыя ў беларсукай гімназіі імя Францыска Скарыны – гэта адно з шэрагу мерапрыемстваў, што запланаваныя студэнтамі Еўрапейскага Гуманітарнага Універсітэта ў межах прахаджэння практыкі ў Беларускім Доме правоў чалавека. Студэнты стажыруюцца ў Доме правоў чалавека, атрымліваючы магчымасць глыбей пазнаёміцца з правамі чалавека і прымяніць свае веды на практыцы або падзяліцца імі. Ужо на дадзеным этапе праходзіць падрыхтоўка падобнага трэнінгу ў ЕГУ і распрацоўка далейшых мерапрыемстваў у супрацоўніцтве з гімназіяй.  Так, плануецца правесці некалькі лекцый, прысвечаных асобным правам.

Як адзначыла адна с удзельніц мерапрыемства, студэнтка першага курса ЕГУ праграмы “Міжнароднае права” Ірына Панядзельнік, ідэя правесці такую лекцыю ўзнікла спантанна, аднак мець веды пра правы чалавека, на яе поглад,  важна для любога школьніка: “Безумоўна, гэты праект будзе карысны ўсім школьнікам, таму што цяпер пытанні, звязаныя з правамі чалавека як у Беларусі, так і ва ўсім свеце  як ніколі папулярныя і патрабуюць шырокай агалоскі і разумення. Таксама трэба сказаць, што нашы заняткі ўяўляюць сабой не проста сухія лекцыі, мы займаемся нефармальнай адукацыяй і праводзім са школьнікамі практыкаванні, праз  якія прасцей засвоіць атрыманыя веды, а таксама паказаць  які наш свет сёння і якое месца займае кожны чалавек у ім ”.

Акрамя знаёмства з правамі, у часе лекцый увага надзяляецца і абавязкам. Такім чынам арганізатары мерапрыемства імкнуцца данесці школьнікам, што ўсялякія буйныя змены ў грамадстве пачынаюцца з індывідуальных крокаў і захадаў кожнага чалавека.

Таксама студэнты-арганізатары лекцый адзначылі і моўную сітуацыю ў школе: іх прыемна здзівіла, што нават у Вільні ёсць беларускамоўная школа, у той час, як у беларускіх гарадах гэта рэдкасць. “Мяне вельмі парадавала, што нават у Вільні ёсць гімназія, дзе навучаюць на беларускай мове. Сітуацыя з мовай у нашай краіне дастаткова складаная. З кожным годам школ, дзе навучанне праходзіць  па-беларуску ўсё менш і менш. Вось напрыклад, у мяне ў горадзе няма беларускамоўных школ, але ёсць польская. Вельмі сумна, што ў краіне складваецца такая стіуацыя”, – адзначыла першакурсніца ЕГУ праграмы “Міжнароднае права” Святлана Васілевіч.

***

У жніўні 2013 у Беларускім ДПЧ распачнецца  новы набор студэнтаў для прахаджэння практыкі. У межах практыкі жадаючыя студэнты змогуць не только павысіць узровень сваіх ведаў у галіне правоў чалавека, але і прымяніць іх на практыцы, рэалізуючы свае ініцыятывы.

Артыкулы па тэме

У пытанні свабоды слова Беларусь прызнаная адной з горшых краін

Фільм «Катаванні ў Беларусі. Апакаліпсіс»: гэта не проста скаргі і эмоцыі, гэта скалечаныя жыцці

Становішча палітычных зняволеных у Беларусі крытычнае, свабода 40 актывістаў сур’ёзна абмежаваная

Tags:
Belarus-BY

Latest

May 10, 2019

International Civil Society Week in Belgrade

International Civil Society Week 2019 (ICSW) was held in Belgrade from 8-12 April 2019. Events were co-organised by Civic Initiatives (member of Human Rights House Belgrade), CIVICUS: Civic Alliance for Citizen Participation, and Balkan Civil Society Development Network.

May 10, 2019

“If you can smile in the most difficult situations, you are not yet defeated”

A key contributor to creating a human rights community in Belarus, Tatsiana Reviaka was one of the country’s first human rights defenders when she began her work in the newly-independent Belarus. Reviaka was the president of Barys Zvozskau Belarusian Human Rights House between 2010 and 2018.

May 10, 2019

Marking 10 Years of the Anti-Discrimination Act in Croatia

Marking the anniversary of the adoption of the main legal instrument to fight discrimination in Croatia, Human Rights House Zagreb held an international conference in cooperation with the Office of the Ombudswoman.