У Вільні прайшлі акцыі салідарнасці з грамадзянскай супольнасцю Беларусі

4-5 жніўня ў межах Міжнароднага дня салідарнасці з грамадзянскай супольнасцю Беларусі ў Вільні прайшлі акцыі, прысвечаныя гадавіне арышту вядомага беларускага праваабаронцы Алеся Бяляцкага. Актывісты наладзілі шэраг інфармацыйных акцый у цэнтры горада і пікет каля амбасады Беларусі ў Літве.

Падчас інфармацыйных акцый, што былі арганізаваныя праваабаронцамі і грамадскімі актывістамі ў цэнтры Вільні, мінакі змаглі атрымаць актуальную інфармацыю пра сітуацыю з правамі чалавека ў Беларусі і падпісаць паштоўкі для беларускіх палітзняволеных. Разам з іншымі паштоўкі для беларускіх палітвязняў падпісаў і  Стэфан Эрыксан( на фота) , які быў першым паслом Швецыі ў Беларусі і працаваў на гэтай пасадзе каля 4 год, пакінуўшы яе пасля дыпламатычнага канфлікта паміж Беларуссю і Швецыяй, выкліканага гісторыяй с “плюшавым дэсантам”.

 

 

 


 У акцыі, што прайшла ў Вільні 5 жніўня каля амбасады Беларусі прынялі ўдзел каля 30 чалавек. Удзельнікі акцыі надзелі маскі з партрэтам Алеся Бяляцкага, разгарнулі нацыянальныя сцягі і  плакаты з надпісамі «Праваабаронца – не злачынца», «Саджайце бульбу, а не людзей!», «Вырашайце праблемы, а не саджайце тых, хто пра іх кажа», «Свабоду Алесю Бяляцкаму», «Свабоду палітвязням».

Падчас пікету была агучаная сумесная заява Беларускага Дома правоў чалавека і праваабарончага цэнтра “Вясна”, дзе выказана прынцыповая пазіцыя праваабаронцаў адносна арышту Бяляцкага: “Пазбаўленне волі аднаго з вядомейшых і аўтарытэтных праваабаронцаў Беларусі стала вынікам шматгадовай рэпрэсіўнай палітыкі ўладаў ў дачыненні да грамадзянскай супольнасці краіны, з’яўляецца расправай за прынцыповую шматгадовую праваабарончую дзейнасць Алеся Бяляцкага”.

 “Мы рашуча выступаем супраць палітычна матываванага пераследу грамадзян краіны і патрабуем ад уладаў неадкаладнага і безумоўнага вызвалення ўсіх палітзняволеных, аднаўлення іх ва ўсіх грамадзянскіх і палітычных правах,”- сказана ў заяве. Праваабаронцы Павел Левінаў і Валянцін Стэфановіч перадалі заяву ў амбасаду.

Падчас правядзення акцыі невядомыя вывесілі на сцяне амбасады на вышыні некалькіх метраў вялики плакат з партрэтам Алеся Бяляцкага і надпісам : “Freedom for political prisoners in Belarus” («Свабоду палітычным зняволеным у Беларусі»).  Ён  так і застаўся вісець перад вокнамі амбасады пасля заканчэння акцыі.

 

 


***

У жніўні 2011 года Алесь Бяляцкі быў арыштаваны па абвінавачванні ва «ўтойванні прыбыткаў у асабліва буйных памерах" па артыкуле 243, частка 2, Крымінальнага кодэкса Рэспублікі Беларусь. 24 лістапада, пасля амаль чатырох месяцаў папярэдняга зняволення, Мінскі Першамайскі раённы суд прысудзіў яго да чатырох з паловай гадоў пазбаўлення волі ў строгіх ўмовах рэжыму, з канфіскацыяй маёмасці – у тым ліку памяшкання, якое выкарыстоўвалася для офіса ПЦ “Вясна” – і да штрафу 757.526.717 беларускіх рублёў (каля 70.000 эўра). 24 студзеня 2012 года Мінскі гарадскі суд пацвердзіў прысуд па апеляцыі, ўсе хадайніцтвы, пададзеныя адвакатамі Бяляцкага былі адхіленыя. 29 сакавіка 2012 года, той жа суд вынес новае рашэнне, загадаўшы яму заплаціць дадатковую суму 140.366.151 рублёў (каля 12 700 еўра) штрафа ў дадатак да папярэдніх штрафаў, якія ўжо былі выплачаныя ў студзені 2012 года, у сувязі з меркаванай несвоечасовай выплатай запазычанасці.

 

 

***

Артыкулы па тэме

Праваабаронцы заклікаюць спыніць ціск на Алеся Бяляцкага

Знакавае рашэнне ААН: Затрыманне Алеся Бяляцкага адвольнае, патрабуецца вызваленне і кампенсацыя

Алеся Бяляцкага падтрымала больш за 100 тысяч чалавек па ўсім свеце

Tags:
Belarus-BY

Latest

May 10, 2019

International Civil Society Week in Belgrade

International Civil Society Week 2019 (ICSW) was held in Belgrade from 8-12 April 2019. Events were co-organised by Civic Initiatives (member of Human Rights House Belgrade), CIVICUS: Civic Alliance for Citizen Participation, and Balkan Civil Society Development Network.

May 10, 2019

“If you can smile in the most difficult situations, you are not yet defeated”

A key contributor to creating a human rights community in Belarus, Tatsiana Reviaka was one of the country’s first human rights defenders when she began her work in the newly-independent Belarus. Reviaka was the president of Barys Zvozskau Belarusian Human Rights House between 2010 and 2018.

May 10, 2019

Marking 10 Years of the Anti-Discrimination Act in Croatia

Marking the anniversary of the adoption of the main legal instrument to fight discrimination in Croatia, Human Rights House Zagreb held an international conference in cooperation with the Office of the Ombudswoman.