Logo BelHRH

Вакансія ў Беларускім ДПЧ: менеджэр адукацыйнай праграмы ILIA-By

Беларускі дом правоў чалавека імя Барыса Звозскава шукае менеджэра адукацыйнай праграмы ILIA-By. Падаць заяўку можна не пазней за 6 сакавіка.

Тып пазіцыі (аб’ём занятасці): 80 %

Месцазнаходжанне: Мінск, Беларусь

Пачатак працы: 1 красавiка 2019 г.

Арганізацыя: Беларускі дом правоў чалавека імя Барыса Звозскава

Аб арганізацыі: Беларускі дом правоў чалавека імя Барыса Звозскава (БДПЧ) заснаваны беларускімі праваабарончымі арганізацыямі ў 2006 годзе. Ён з’яўляецца сябрам Сеткі дамоў правоў чалавека, якая аб’ядноўвае больш за 90 праваабарончых няўрадавых арганізацый у 16 дамах розных краінаў. БДПЧ дзейнічае ў чатырох стратэгічных кірунках: адукацыя ў сферы правоў чалавека, узмацненне патэнцыяла праваабаронцаў і іх арганізацый, абарона і падтрымка праваабаронцаў і ахвяраў рэпрэсій.

Кароткае апісанне пазіцыі: кіраўнік адукацыйнай праграмы ILIA-By адказвае за планаванне, развіццё, агульную каардынацыю і рэалізацыю праграмы ILIA-By (адукацыйнага праекта BISH і кірунка follow up па падтрымцы пасляадукацыйнай дзейнасці выпускнікоў), кіруе дзейнасцю каманды праграмы. Кіраўнік адукацыйнай праграмы ILIA-By падпарадкоўваецца выканаўчаму дырэктару БДПЧ.

АБАВЯЗКІ

  • Кіраваць камандай праграмы ILIA-By, ставіць аператыўныя задачы і кантраляваць выкананне абавязкаў;
  • Ва ўзаемадзеянні з кіраўніцтвам БДПЧ і камандай рабіць стратэгічнае планаванне і развіццё праграмы ILIA-Bу як аднога з кірункаў дзейнасці БДПЧ;
  • Удзельнічаць у падрыхтоўцы праектных заявак і напісанні справаздачаў па праектах, у межах якіх рэалізуецца праграма ILIA-By, і супольна з выканаўчым дырэктарам весці далейшую камунікацыю з донарамі;
  • Удзельнічаць у абмеркаванні праграм навучальных сэсій у спрэчных і складаных выпадках;
  • Рыхтаваць інфаормацыю і ўзаемадзейнічаць з кіраўніцтвам БДПЧ па пытаннях рэалізацыі праграмы ILIA-By;
  • Удзельнічаць у працы прыёмна-атэстацыйнай камісіі пры неабходнасці і ў выпадках, вызначаных адпаведным палажэннем;
  • Арганізоўваць і праводзіць рабочыя сустрэчы каманды;
  • Ажыццяўляць прэзэнтатыўныя функцыі ад імені праграмы ILIA-By;
  • Арганізоўваць маніторынг і ацэнку праграмы (унутраную і вонкавую);
  • Удзельнічаць у правядзенні навучальных сэсій праекта BISH і пасляадукацыйных мерапрыемствах пры неабходнасці;
  • Узаемадзейнічаць з кіраўніцтвам і супрацоўнікамі БДПЧ па пытаннях рэалізацыі праграмы ILIA-By, улучна з паездкамі ў Вільнюс;
  • Выконваць іншыя функцыі ў межах арганізацыйнага і зместавага суправаджэння праграмы ILIA-By.

ПАТРАБАВАННІ

Кандыдат павінен мець вышэйшую юрыдычную або іншую гуманітарную адукацыю; пераважна – дадатковую адукацыю ў сферы правоў чалавека ў межах праграм нефармальнай адукацыі.

ВЕДЫ, НАВЫКІ І ЗДОЛЬНАСЦІ

  • Агульныя веды ў сферы правоў чалавека;
  • Веданне сітуацыі з правамі чалавека ў Беларусі агулам, а таксама права на свабоду асацыяцый, свабоду меркавання, свабоду мірных сходаў, і, у прыватнасці, права быць праваабаронцам;
  • Інфармаванасць аб прававых і арганізацыйных умовах дзейнасці праваабарончых і іншых арганізацый грамадзянскай супольнасці, адвакатуры, судова-прававых рэформах, заканадаўчай дзейнасці ў Беларусі;
  • Гатоўнасць выяжджаць у рэгіёны Беларусі, а таксама за мяжу для ўдзела ў адукацыйных/праектных сустрэчах;
  • Арганізацыйныя навыкі – планаванне, дэлегаванне, праграмнае развіццё;
  • Выдатнае валоданне беларускай, рускай і англійскай мовамі.

ТЭХНІЧНЫЯ НАВЫКІ

  • Устойлівыя навыкі карыстання прадуктамі MS Office/LibreOffice, паштовымі кліентамі, папулярнымі інтэрнэт-браўзерамі, мэсэнджэрамі;
  • Пераважна: разуменне прынцыпаў бяспечнай камунікацыі.

ДОСВЕД

  • Досвед абароны і прасоўвання правоў чалавека на нацыянальным і міжнародным узроўні;
  • Досвед кіраўнічай або менеджэрскай працы, у тым ліку кіравання праектамі ў арганізацыі грамадзянскай супольнасці;
  • Досвед узаемадзеяння, у тым ліку ў сетцы, кааліцыях і інш., з праваабарончымі і іншымі арганізацыямі грамадзянскай супольнасці.

ЯК ПАДАЦЬ ЗАЯЎКУ

Калі ласка, дасылайце вашыя рэзюмэ разам з матывацыйным лістом на адрас belarus@humanrightshouse.org, пазначыўшы ў радку “Тэма”, што гэта заяўка на пасаду мнеджэра адукацыйнай праграмы ILIA-By, не пазней за 6 сакавіка 2019 года. Абраныя кандыдаты будуць запрошаныя на інтэрвію ў першай палове сакавіка.

Па любых пытаннях аб вакансіі менеджэра адукацыйнай праграмы ILIA-By, калі ласка, звязвайцеся з намі толькі па электроннай пошце, пазначанай вышэй.

Tags:
Belarus-BY

Latest

April 11, 2019

Why is the Venice Commission study on NGO funding so important?

The Venice Commission expresses that “States must create an enabling environment in which associations can effectively operate and access funding, including foreign funding.” This comes in its review of standards applying to funding of NGOs within Council of Europe member states, published in March 2019.

April 10, 2019

Ukraine: Base juvenile justice reforms on international standards

Ukraine is in the process of reforming its system for juvenile justice. Advocating for these reforms to be based on international human rights standards, Mart, member of Educational Human Rights House Chernihiv, and Helsinki Foundation for Human Rights (HFHR, Poland) have undertaken a joint project with the Ukrainian Ministry of Justice.

April 10, 2019

Беларускі Дом правоў чалавека імя Барыса Звозскава шукае каардынатара па нарошчванні патэнцыялу

Адным з важных стратэгічных напрамкаў БДПЧ з’яўляецца садзейнічанне ўзмацненню дзейнасці і нарошчванню патэнцыялу беларускіх праваабаронцаў і арганізацый грамадзянскай супольнасці Беларусі. Для развіцця дадзенага кірунку, а таксама нарошчвання крэатыву і пазітыву, БДПЧ шукае каардынатара па нарошчванні патэнцыялу, у чые кампетэнцыі будзе ўваходзіць наступнае: Распрацоўка канцэпцыі, праграмы, пошук экспертаў і арганізацыя трэнінгаў/семінараў па нарошчванню кампетэнцый; Сумесная праца […]