Digital security

Вакансія каардынатара Школы лічбавай бяспекі DSS375

Асноўная функцыя каардынатара — забеспячэнне адміністрацыйнай, інфармацыйна-лагістычнай і змястоўнай працы Школы лічбавай бяспекі DSS375 пры Беларускім доме правоў чалавека.

Беларускі дом правоў чалавека імя Барыса Звозскава шукае новага сябра нашай каманды ў Школу лічбавай бяспекі DSS375.

Калі вы — чалавек з глыбокім разуменнем інтэрнэт-тэхналогій, працы прыстасаванняў, якія мы выкарыстоўваем кожны дзень (кампутары, тэлефоны і г.д.) і сацыяльных сетак у кантэксце лічбавай бяспекі і прыватнасці, мы будзем рады бачыць вас!

Мы б хацелі, каб вы змаглі ацаніць розныя тэхнічныя прылады і сістэмныя прыкладанні з пункту гледжання бяспекі, прыватнасці і выгоды выкарыстання для мэтавай аўдыторыі непрафесійных IT карыстальнікаў.

Мы шукаем чалавека, які здолее лёгка тлумачыць складаныя тэхнічныя пытанні ў практычным бытавым кантэксце. Будзем рады, калі ў вас будзе досвед працы ў некамерцыйнай арганізацыі і дакладнае разуменне працы з рознымі тыпамі пагроз у сферы лічбавай бяспекі.

Кола абавязкаў каардынатара:
• прасоўванне Школы лічбавай бяспекі DSS375 сярод мэтавых груп;
• пошук новых партнёраў праекта;
• агульная лагістычная, адміністрацыйная і інфармацыйная падтрымка ўсёй дзейнасці ў рамках Школы;
• сумесна са спецыялістамі Школы лічбавай бяспекі арганізацыя навучальных трэнінгаў і канферэнцый;
• арганізацыя ўзаемадзеяння і лагістычнай падтрымкі ўдзельнікаў трэнінгаў, канферэнцый і іншых мерапрыемстваў, мэтавых груп, трэнераў, экспертаў і партнёраў;
• арганізацыя і каардынаванне працы каманды Школы;
• падрыхтоўка перыядычных справаздач і праектных заявак;
• вядзенне праектнай дакументацыі;
• праца з праектамі Школы лічбавай бяспекі ў рамках стратэгіі БДПЧ;
• пераклад з/на рускую, беларускую, англійскую мовы;
• паездкі па Беларусі і за мяжу;
• іншыя функцыі ў рамках дзейнасці школы.

Кампетэнцыi:
• Досвед працы і навучання лічбавай бяспецы ў некамерцыйным асяроддзі.
• Досвед фармавання і рэалізацыі навучальных праграм.
• Досвед праектнага менеджменту, уключаючы кіраванне бюджэтамі і арганізацыю мерапрыемстваў.
• Досвед правядзення даследаванняў і каардынацыі камунікацый на розных узроўнях.
• Разуменне патрэб і інтарэсаў непрафесійных IT-карыстальнікаў, асабліва ў сферы прыватнасці і прыватнасці звестак.
• Здольнасць ацэнкі розных інструментаў і прыкладанняў з пункту гледжання бяспекі, прыватнасці і выгоды выкарыстання.
• Разуменне і ўменне работы з сістэмамі лічбавай бяспекі.
• Веданне і выкарыстанне інфармацыйных тэхналогій для абароны правоў чалавека.
• Добрыя навыкі міжасабовых стасункаў і здольнасць вырашэння праблем з выкарыстаннем практычнага падыходу.
• Здольнасць працы ў дынамічным, хутка зменлівым асяроддзі.
• Пільная ўвага да дэталяў і здольнасць працы ў сціслыя тэрміны.
• Магчымасць ездзіць у дзелавыя паездкі.
• Вольнае валоданне рускай і беларускай мовай, валоданне ангельскай мовай на высокім узроўні з магчымасцю размаўляць і пісаць.

Калі вам цікава паспрабаваць сябе на пазіцыі каардынатара школы лічбавай бяспекі DSS375,  дасылайце  рэзюмэ і матывацыйны ліст на адрас: belarus@humanrightshouse.org да 10 ліпеня 2019 года і, пры ўмове праходжання адборачнага тура, мы звяжамся з вамі.

Дадатковыя ўмовы:
Месца: Вільня, Літва / Мінск, Беларусь
Занятасць: 50%

Latest

December 1, 2020

Патрабуем неадкладнага вызвалення палітвязня Яна Салановіча

У суме Яну прысуджана 86 сутак адміністрацыйнага арышту, 27 з якіх ён знаходзіцца ў ЦІП. Ёсць асцярогі, што Ян можа быць падвергнуты арышту на яшчэ большыя тэрміны.

December 1, 2020

#StopSLAPPs: Coalition calls on EU to take action against gag lawsuits targeting watchdogs.

Human Rights House Foundation is among 60 organisations jointly calling for the EU to take action against SLAPPs – the gag lawsuits silencing journalists, activists and human rights defenders across Europe. The coalition of organisations today endorses the Model EU Anti-SLAPP Directive ahead of the European Commission’s launch of its European Democracy Action Plan (EDAP).

November 30, 2020

Патрабуем неадкладнага вызвалення палітвязня Максіма Паўлюшчыка

Напісанне на асфальце надпісу “Не забудзем” не з’яўляецца хуліганствам.