Праект спрыяе лепшай абароне асноўных свабод у краінах, насельніцтва і грамадзянская супольнасць якіх мае патрэбу ў наўпростым стасаванні міжнародных стандартаў у галіне правоў чалавека ва ўнутраных судовых працэсах і практыцы юрыстаў-прафесіяналаў.

Дыстанцыйнае навучанне - гэта магутны інструмент, які дазваляе большай колькасці юрыстаў атрымаць неабходную адукацыю праз прыстасаванне яе да асабістых патрэб. Геаграфічныя адлегласці і вялікія кошты арганізацыі семінараў можна зменшыць, бо большая частка праграмы праходзіць у рэжыме online. Яна будзе гэтаксама дасягальная для юрыстаў з абмежаванымі магчымасцямі і мясцовым жыхарам, якія праз стан здароўя або геаграфічныя абмежаванні ня маюць магчымасці прайсці праграму ў іншых формах.

Мэты праекту
Чаканыя вынікі
Партнёры

Мэты праекту: 

• спрыяць лепшаму разуменню заканадаўства ў галіне ПЧ адвакатамі;
• стварыць умовы для онлайнавага навучання адвакатаў і ўзаемаабмену карыснымі практычнымі напрацоўкамі;
• удасканаліць магчымасці дасягу да інфармацыі пра ПЧ праз каналы электроннай камунікацыі;
• палепшыць якасць іскаў, зыходзячы з пункту гледжання ПЧ;
• палепшыць якасць камунікацыі з міжнароднымі структурамі;
• спрычыніцца да ўзмацнення супольных ініцыятыў паміж адвакатамі і праваабаронцамі.

наверх

Чаканыя вынікі:

• Стварэнне электроннай бібліятэкі і электроннай платформы аб заканадаўстве ў галіне ПЧ;
• Дыстанцыйная адукацыйная праграма па ПЧ для адвакатаў;
• Практычны занятак для нацыянальных экспертаў па дыстанцыйным навучанні і камунікацыі;
• Рэгіянальныя семінары для адвакатаў у 6 краінах;
• Курс навучання будзе ахапляць 10 тэмаў па заканадаўстве ў галіне ПЧ;
• Збор прававых эсэ аб канстытуцыйнай ахове ПЧ, напісаны адвакатамі з вышэйзгаданых краін;
• Збор узораў асабістых зваротаў і заяў грамадзянаў у міжнародныя структурыs;
• Форум для рэгулярнай камунікацыі паміж адвакатамі, трэнерамі і праваабаронцамі.

наверх

Партнёры:

• Армянская Хельсінкская асацыяцыя
• Беларускі Дом правоў чалавека ў ВІльні
• Бюро па правах чалавека і прававой дзяржаве, Таджыкістан
• Еўрапейскі гуманітарны універсітэт, Літва
• Міжнародная філія Фундацыі дамоў правоў чалавека ў Азербайджане
• Расейскі даследчы цэнтр па правах чалавека
• Фундацыя дамоў правоў чалавека, Нарвегія
• Цэнтр па правах жанчын (ЦПЖ) Арменіі
• Цэнтр па правах чалавека (HRIDC), Грузія
• Хельсінская фундацыя правоў чалавека, Польшча

наверх